Hákon vann sér aftur sæti í byrjunarliðinu um miðjan júlí og hefur meira og minna haldið því síðan.

Hann hélt í fyrsta sinn hreinu á tímabilinu í dag í 2-0 sigri á Sundsvall en Sveinn Aron Guðjohnsen var ekki með Elfsborg í dag vegna uppsafnaðra gulra spjalda.

Elfsborg er í 9. sæti deildarinnar með 30 stig.

Alex Þór Hauksson spilaði allan leikinn í 2-0 sigri Öster á Dalkurd í B-deildinni. Öster er nú komið upp í 3. sæti deildarinnar með 40 stig en þriðja sætið gefur umspilssæti.

Hlin Eiríksdóttir lék allan tímann er Piteå gerði markalaust jafntefli við Brommapojkarna í sænsku úrvalsdeildinni. Piteå er í 7. sæti með 30 stig.