Manoharan tók við sem aðalþjálfari til bráðabirgða síðasta haust þegar liðið var í fallbaráttu og náði að halda liðinu uppi. Hann er núna aftur tekinn tímabundið við.

Það vekur upp furðu að félag sem er tiltölulega nýbúið (seint á síðasta ári) að ráða aðalþjálfara til þriggja ára ákveði að gera ekkert í stöðunni og Óskar hafi því tekið það á sig að taka ákvörðun. Fjallað var um að Óskar væri ekki með sömu hugmyndafræði og aðrir í teyminu.

Ef það er málið, af hverju réði Haugesund Óskar sem þjálfara? Af hverju ekki að bakka hann upp eftir að hafa farið í gegnum langa þjálfaraleit? Af hverju var ekki Manoharan ráðinn síðasta haust ef það var einhverjar efasemdir með hugmyndafræði Óskars?

Haugesund er með sex stig eftir sex umferðir í norsku deildinni og á leik gegn HamKam, sem er fyrir neðan Haugesund í deildinni, um helgina.