Lýðveldið Kongó, einnig þekkt sem Austur-Kongó, er fyrsta Afríkuþjóðin til að stöðva alla knattspyrnu vegna kórónaveirunnar.
Afríka er ekki talið vera sérstakt hættusvæði fyrir veiruna og hefur ekkert annað knattspyrnusamband í álfunni ákveðið að fresta leikjum.
Ákvörðun yfirvalda tekur gildi eftir helgi og varir í 30 daga, eða til 15. apríl. Allir leikir helgarinnar munu því fara fram með eðlilegum hætti.
Leikir í Egyptalandi, Marokkó og Alsír eru spilaðir fyrir luktum dyrum á meðan í Suður-Afríku og Tansaníu var aðeins ákveðið að sleppa handaböndum.
Athugasemdir