Watford tryggði sig áfram í 8-liða úrslit ensku bikarkeppninnar á föstudagskvöld og í gær bættust þrjú lið í þennan hóp, Brighton, Manchester City og B-deildarlið Millwall.
Millwall heimsótti C-deildarlið AFC Wimbledon í gær en eitt mark var skoraði í viðureign liðanna og það gerði Murray Wallace strax í upphafi leiks fyrir Millwall.
Neil Harris stjóri Millwall var að vonum ánægður með úrslitin.
„Þetta var erfiður bikarleikur en við náðum í sigurinn, þetta hefði getað farið verr en ef við hefðum náð að skora annað markið held ég að við hefðum skorað þrjú eða fjögur."
„Þetta var mikil barátta í dag og strákarnir mínir sýndu mikinn karakter að klára þetta. Bikarkeppnir snúast um að komast áfram í næstu umferð og það gerðum við. Við erum komnir í 8-liða úrslitin sem er mikið afrek fyrir okkur," sagði Harris að lokum.
Athugasemdir