Lestu um leikinn: Ísland 1 - 1 Frakkland
„Nei, það situr ekkert í okkur en var auðvitað gríðarlega svekkjandi seinast að fá þetta víti á okkur í lokin af því við spiluðum ótrúlega flottan varnarleik og áttum skilið fannst mér að fá stig. Við erum með mikið breytt lið frá þeim leik, erum að spila annað kerfi, með aðrar áherslur þannig þetta verður allt öðruvísi leikur en þá held ég," sagði Glódís.
„Að sama skapi eru þær ennþá með alveg gríðarlega sterkt lið þannig við þurfum að eiga toppleik til að ná í þennan stig. En við höfum fulla trú á að við getum það."
Leikmenn og annað starfsfólk landsliðsins fékk frí frá öllum fótbolta á laugardaginn og fékk tækifæri á að eyða öllum deginum mér fjölskyldum sínum. Steini kíkti á róló í síðasta fríi en ekki núna.
„Nei, ég fór reyndar ekki á róló í gær. En ég hitti fjölskylduna og hafði bara gaman með barnabarninu og allt það. Ég bara naut mín í gær og allt það. Ég held að þetta hafi verið fyrsti frídagurinn okkar frá því að við fórum frá Íslandi þar sem hefur verið alveg frí."
„Við töldum það vera gríðarlega mikilvægt fyrir hópinn að fara út úr þessu umhverfi, gera það sem þær vildu - innan ákveðna marka - og njóta sín. Einu frídagarnir okkar þannig séð hafa verið ferðadagar og við tókum það þannig að við yrðum að gefa leikmönnum frí svo þeir fengju andrými og líka að fólkið í kring fengi tækifæri til að hugsa um eitthvað annað en fótbolta."
„Vonandi skilar það sér á morgun og þetta verður frábær dagur fyrir okkur."
Sjá einnig:
Öll svör Steina og Glódísar - „Ég kem ykkur á óvart"
