„Aðalatriðið er að koma sér áfram en þetta var svolítið sérstakur leikur," sagði Arnar Grétarsson þjálfari KA eftir sigur á Fram í Mjólkurbikarnum í dag.
Lestu um leikinn: KA 4 - 1 Fram
„Mér fannst við byrja leikinn ágætlega, komumst yfir, fáum víti sem ég held að hafi verið víti. Svo fáum við dauðafæri fljótlega á eftir, algjör deddari en hann ver að vísu mjög vel."
KA var með 2-0 forystu í hálfleik og manni fleiri en Fram náði að minnka muninn í seinni hálfleik áður en KA náði að klára leikinn.
„Mér fannst við byrja seinni hálfleikinn fyrstu fimm mínúturnar allt í lagi. Framararnir voru annars sprækari, héldu boltanum fínt en svo vorum við hættulegastir okkur sjálfum með feilsendingar, ein slík gerði það verkum að við fengum á okkur víti," sagði Arnar.
Kristian Jajalo spilaði báða leikina í bikarnum til þessa og staðið sig vel. Spurning hvort hann sé farinn að setja alvöru pressu á Stubb?
„Það verður bara að koma í ljós, hann stóð sig mjög vel í dag," sagði Arnar.
Sjá einnig:
Spyr hvort ævintýrinu er að ljúka - „Liðin séu líka að fatta þetta"