Hamar og Kría gerðu 1-1 jafntefli í Hveragerði. Pétur Már Harðarson kom Kríu á bragðið á 23. mínútu en Aðalgeir Friðriksson jafnaði metin tíu mínútum fyrir leikslok. Stefán Hirst, markvörður Kríu, átti stórleik í markinu og varði eins berserkur.

Kormákur/Hvöt lagði þá Álftanes 1-0 á Blönduósi. Sigurður Bjarni Aadnegard gerði sigurmarkið á 76. mínútu.

Ýmir og KH gerðu þá markalaust jafntefli. Það var ekki mikið um færi í leiknum en undir lokin fékk KH vítaspyrnu. Alexander Lúðvígsson klúðraði spyrnunni.

Árborg og Vængir Júpíters gerðu þá 2-2 jafntefli. Júlíus Már Júlíusson skoraði fyrir Vængina á 25. mínútu áður en hinn stóri og stæðilegi Ísak Eldjárn Tómasson jafnaði metin undir lok fyrri hálfleiks.

Gunnar Már Guðmundsson skoraði fyrir Vængina þegar tæpur hálftími var eftir áður en Ingi Rafn Ingibergsson náði í jöfnunarmark fyrir Árborg undir lok leiksins.

Síðari leikirnir fara fram 3. og 7. september.

Úrslit og markaskorarar:

Hamar 1 - 1 Kría
0-1 Pétur Már Harðarson ('23 )
1-1 Aðalgeir Friðriksson ('80 )

Kormákur/Hvöt 1 - 0 Álftanes
1-0 Sigurður Bjarni Aadnegard ('76 )

Árborg 2 - 2 Vængir Júpíters
0-1 Júlíus Már Júlíusson ('25 )
1-1 Ísak Eldjárn Tómasson ('43 )
1-2 Gunnar Már Guðmundsson ('63 )
2-2 Ingi Rafn Ingibergsson ('90 )

Ýmir 0 - 0 KH