Bournemouth féll þrátt fyrir 1-3 sigur á útivelli gegn Everton í lokaumferðinni eftir fimm ára dvöl í deild þeirra bestu.

„Við getum ekki falið okkur frá þeirri staðreynd að þetta hefur verið skrítið, erfitt og gríðarlega svekkjandi tímabil. Það er sárt að falla og allir innan félagsins finna fyrir sama sársauka og stuðningsmenn," segir í yfirlýsingu frá Demin.

„En þetta er ekki endirinn á okkar ferð. Við höfum skapað ótrúlegar minningar og viljum halda áfram að skapa nýjar minningar, betri minningar en áður. Ég ætla að fara með þetta félag aftur upp í úrvalsdeildina sem fyrst.

„Á síðustu fimm árum höfum við byggt upp ungt og hæfileikaríkt knattspyrnulið með mikla reynslu. Þessir leikmenn eru framtíð félagsins og ég er viss um að þeir muni koma okkur aftur upp úr Championship deildinni. Það er okkar stærsta markmið."