„Hrikalega sáttur með sigurinn í erfiðum leik. Við missum mann snemma út af, þannig við þurfum virkilega að hafa fyrir því,'' sagði Jón Sveinsson, þjálfari Fram, eftir spennandi 2-1 sigur gegn Gróttu.
Lestu um leikinn: Fram 2 - 1 Grótta
„Við höfum gírað okkur ágætlega í þessa leiki. Mér fannst við töluvert betri gegn Þrótt í síðasta leik og klaufalegt að klára hann ekki og svo aftur í dag. Við setjum snemma á þá mark og vorum ekki í miklum vandræðum.''
„Svo þegar við verðum manni færri þurftum við aðeins að breyta og verjast meira. Grótta náði að setja smá pressu á okkur þegar leið á seinni hálfleikinn, en fram að því vorum við ekki í miklum vandræðum.''
Haraldur Einar Ásgrímsson skoraði frábært mark, stöngin inn sem var sigurmark leiksins.
„Halli er búinn að standa sig gífurlega vel í sumar og ekki leiðinlegt fyrir hann að kóróna það með sigurmarki hér í dag, einum færri. Það verður ekkert sætara en það held ég.''
Hægt er að horfa á allt viðtalið hér fyrir ofan
Athugasemdir