Wilfried Zaha, leikmaður Crystal Palace, ákvað að slá á létta strengi á Twitter eftir 2-2 jafnteflið gegn Arsenal en hann var að sleppa í gegn undir lok leiks áður en Matteo Guendouzi tæklaði hann.
Zaha fékk boltann fyrir utan vítateig Palace og þurfti bara að fara framhjá Guendouzi til að komast í kjörið tækifæri til að hlaupa upp völlinn og skora en franski miðjumaðurinn tók hann niður.
Dómari leiksins gaf Guendouzi aðeins gult spjald fyrir þessa ótrúlegu rugby tæklingu en Zaha gat grínast með atvikið eftir leik.
Hann deildi mynd af honum og Guendouzi á Twitter og skrifaði undir hana „NFL á Wembley".
NFL’s at Wembley... 🤷🏿♂️ pic.twitter.com/QOkyetV1dh
— Wilfried Zaha (@wilfriedzaha) October 27, 2019
Athugasemdir