Heimild: Íslendingavaktin
Íslendingavaktin greinir frá því að búlgarska félagið Levski Sofia muni ekki selja Hólmar Örn Eyjólfsson í janúar.
Hólmar Örn hefur verið að gera góða hluti með Levski og var hann orðaður við Bournemouth á dögunum. Pavel Kolev, framkvæmdastjóri Levski, segir ekkert til í þessum sögusögnum.
Kolev sagði í útvarpsviðtali í Búlgaríu að Levski hafi ekki borist nein kauptilboð í Hólmar Örn. Hann bætti því svo við að þó tilboð myndi berast þá hefði félagið engan áhuga á að selja einn af lykilmönnum sínum.
Levski er í öðru sæti búlgörsku deildarinnar og hefur Hólmar verið gríðarlega öflugur á tímabilinu.
Hólmar er 29 ára og á 14 A-landsleiki að baki.
Athugasemdir