Ólafur Páll Snorrason, þjálfari Fjölnis, telur leikinn gegn Stjörnunni hafa verið nokkuð jafnan.
Stjarnan hafði betur er liðin mættust í Egilshöllinni fyrr í kvöld. Ævar Ingi Jóhannesson gerði eina mark leiksins.
Stjarnan hafði betur er liðin mættust í Egilshöllinni fyrr í kvöld. Ævar Ingi Jóhannesson gerði eina mark leiksins.
„Þetta var erfitt í byrjun. Þeir voru sterkari í fyrri hálfleik en leikurinn opnaðist í seinni hálfleik og úr varð jafn leikur," sagði Óli eftir leikinn.
„Ég er að reyna að fá rétta getu úr leikmönnum. Ég er með unga stráka sem þurfa að fá að spila, þora að halda í boltann, þora að gera mistök og fyrst og fremst þora að gera jákvæða hluti inni á fótboltavellinum."
Óla lýst þokkalega á ungan Færeying sem spilaði með Fjölni í leiknum og sagði eðlilegt að hann væri þungur á sér, enda ekki búinn að æfa í nokkrar vikur. Þá segir hann Fjölni vera að vinna í að fá nokkra leikmenn til sín.
„Þetta er ungur og efnilegur strákur í U21 árs liði Færeyja. Hann kom úr flugi í dag og var orðinn svolítið þreyttur þarna í lokin, en hann er markaskorari mikill og efnilegur drengur. Hann æfir með okkur út þessa viku og svo sjáum við til."
Athugasemdir