Finnur Tómas Pálmason og Arnór Sveinn Aðalsteinsson í leiknum á laugardaginn.
Arnór Sveinn Aðalsteinsson og Finnur Tómas Pálmason, miðverðir KR, fóru báðir meiddir af velli í 1-0 sigri liðsins á Val í Pepsi Max-deildinni á laugardag.
Ekki er ennþá ljóst hversu lengi þeir verða frá en það kemur betur í ljós í vikunni.
Ekki er ennþá ljóst hversu lengi þeir verða frá en það kemur betur í ljós í vikunni.
„Finnur Tómas fékk högg á ristina og er aumur. Við þurfum að bíða og sjá hvernig það þróast. Hann haltrar um og vonast til að bólgan fari sem fyrst til að hann geti sparkað í boltann," sagði Rúnar Kristinsson, þjálfari KR, við Fótbolta.net í dag.
„Það er ekki 100% með Arnór Svein hvort hann sé tognaður í bakinu eða hvort þetta hafi bara verið högg og mar. Við erum bara að vona það besta."
Hinir reyndu Aron Bjarki Jósepsson og Gunnar Þór Gunnarsson komu inn á og leystu Arnór og Finn af hólmi í leiknum á laugardag.
Næsti leikur KR-inga er á laugardagskvöld þegar þeir fá HK-inga í heimsókn.
Sjá einnig:
Leikurinn - Arnþór svipti Patrick plássi og tíma
Athugasemdir
