Liverpool heldur undirbúningstímabili sínu áfram og í dag mætti liðið Blackburn í æfingaleik. Fyrri hálfleikurinn var markalaus þar sem Liverpool spilaði ekkert sérstaklega, Milner brenndi af víti og Lallana fékk þá nokkur góð færi.

Liverpool gerði tíu breytingar á liðinu í síðari hálfleik. Naby Keita var á meðal manna sem komu inn og stóð upp úr í dag. Sturridge fékk nokkur góð færi en það var hinsvegar Markovic sem skoraði fyrsta markið.

Sturridge tvöfaldaði forskotið skömmu síðar. Keita vann boltann á miðjunni og fann Sturridge sem átti frábæra móttöku og kláraði snyrtilega framhjá markverði Blackburn. Þægilegur sigur Liverpool staðreynd sem hélt einnig hreinu í dag.

Á meðan leiknum stóð var Alisson á Anfield í læknisskoðun og Roma hefur nú formlega kvatt markmanninn á Twitter. Liverpool á þó eftir að staðfesta félagsskiptin.

Grazie di tutto @AlissonBecker e in bocca al lupo per la tua nuova avventura 🧤 pic.twitter.com/9gAcsEvd0a

— AS Roma (@OfficialASRoma) July 19, 2018