Víkingur hefur unnið Mjólkurbikar karla þrisvar sinnum í röð.
Ákveðið hefur verið að færa úrslitaleiki Mjólkurbikarsins framar fyrir næsta ár.
Síðastliðin tvö ár hefur úrslitaleikur Mjólkurbikars karla verið spilaður í október. Úrslitaleikurinn í Mjólkurbikar kvenna var spilaður í október í fyrra en í ár var hann spilaður í lok ágúst.
Í ár er stefnt á það að spila báða úrslitaleikina í ágúst. Ætti því að vera fínt veður þegar leikirnir verða spilaðir.
Keppni í Mjólkurbikar karla hefst í lok mars og keppni í Mjólkurbikar kvenna hefst í lok apríl.
Eins og staðan er núna þá er úrslitaleikurinn í Mjólkurbikar kvenna settur á 12. ágúst og úrslitaleikurinn í Mjólkurbikar karla tveimur vikum síðar, 26. ágúst.
Víkingur er ríkjandi bikameistari karla og Valur er ríkjandi bikarmeistari kvenna.
Athugasemdir
