Lið Hattar/Hugins er eflaust afar svekkt með að hafa gert 1-1 jafntefli við Völsung í 2. deild karla á Vilhjálmsvelli á Egilsstöðum í kvöld.

Björgvin Stefán Pétursson kom heimamönnum yfir á 14. mínútu leiksins og tókst liðinu að halda út allan fyrri hálfleikinn.

Það var útlit fyrir að Höttur/Huginn myndi fara heim með öll þrjú stigin en Húsvíkingar héldu ekki. Undir lok leiksins fengu gestirnir vítaspyrnu og skoraði Mikel Abando Arana úr vítinu.

Leiknum lauk því, 1-1. Svekkjandi úrslit fyrir Hött/Hugin sem er í 9. sæti með 6 stig en Völsungur í 4. sæti með 14 stig.