Rússland er í harðri baráttu við Covid-19 og hefur veiran haft áhrif á fjóra leiki eftir að rússneska deildin fór aftur af stað.
Jón Guðni Fjóluson og félagar í Krasnodar eiga útileik við Orenburg í dag en ljóst er að Orenburg getur ekki teflt fram liði þar sem leikmannahópurinn er í sóttkví. Það eru sex smit í hópnum.
Engin dagsetning hentar til að endurspila leikinn og því fær Krasnodar dæmdan 0-3 sigur sem kemur sér afar vel í baráttunni um Meistaradeildarsæti.
Rússar hafa átt í vandræðum með að leysa úr vandræðunum sem Covid hefur skapað í deildinni. Þegar FC Rostov var með sex smit innan hópsins neituðu andstæðingarnir í PFC Sochi að færa leikinn. Rostov tefldi því fram unglingaliðinu sínu og tapaði 10-1.
Svipað átti sér stað þegar Dynamo Moskva átti að spila við Krasnodar en þrír leikmenn Dynamo voru smitaðir. Andstæðingarnir í Krasnodar brugðust íþróttamannslega við og samþykktu að færa leikinn til 19. júlí.
Krasnodar er í þriðja sæti rússnesku deildarinnar, þremur stigum eftir Lokomotiv Moskvu í öðru sæti. Annað sætið er eftirsótt þar sem það gefur þátttökurétt í riðlakeppni Meistaradeildarinnar. Zenit er með níu stiga forystu á toppi deildarinnar.
Stöðutaflan
Rússland
Efsta deild - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Zenit | 25 | 15 | 5 | 5 | 44 | 22 | +22 | 50 |
2 | FK Krasnodar | 25 | 14 | 7 | 4 | 41 | 25 | +16 | 49 |
3 | Dinamo | 25 | 12 | 8 | 5 | 42 | 33 | +9 | 44 |
4 | Lokomotiv | 25 | 10 | 11 | 4 | 42 | 34 | +8 | 41 |
5 | Kr. Sovetov | 25 | 11 | 6 | 8 | 43 | 35 | +8 | 39 |
6 | Spartak | 25 | 11 | 6 | 8 | 34 | 29 | +5 | 39 |
7 | CSKA | 25 | 9 | 11 | 5 | 44 | 33 | +11 | 38 |
8 | Rostov | 25 | 10 | 7 | 8 | 37 | 38 | -1 | 37 |
9 | Rubin | 25 | 10 | 6 | 9 | 23 | 30 | -7 | 36 |
10 | Nizhnyi Novgorod | 25 | 8 | 4 | 13 | 24 | 33 | -9 | 28 |
11 | Orenburg | 25 | 6 | 8 | 11 | 28 | 33 | -5 | 26 |
12 | Fakel | 25 | 6 | 8 | 11 | 19 | 28 | -9 | 26 |
13 | Akhmat Groznyi | 25 | 7 | 5 | 13 | 24 | 37 | -13 | 26 |
14 | Ural | 25 | 6 | 6 | 13 | 24 | 39 | -15 | 24 |
15 | Baltica | 25 | 6 | 5 | 14 | 25 | 31 | -6 | 23 |
16 | Sochi | 25 | 4 | 7 | 14 | 26 | 40 | -14 | 19 |
Athugasemdir