Belgíski bakvörðurinn Jonathan Hendrickx birtir í dag mynd af Íslandi á Twitter reikningi sínum.
Fótbolti.net hafði samband við Hendrickx og spurði hann að því hvort hann væri staddur á Íslandi um þessar mundir. Það er hann ekki en hann gæti verið á leið hingað til lands á næstunni.
Hendrickx segist vera að ræða við íslensk félög og eru góðar líkur á því að hann spili hér á landi næsta sumar.
Hann er nýorðinn 27 ára gamall og þekkir það vel að spila á Íslandi. Hann er fyrrum leikmaður FH og Breiðabliks. Hann lék með Breiðabliki 2018 og fyrri hluta tímabils 2019 áður en hann hélt heim til Belgíu og gekk í raðir Lommel.
Hendrickx hefur að undanförnu verið nokkuð mikið orðaður við endurkomu til Íslands. Hann hefur verið orðaður við sín fyrrum félög, Breiðablik og FH, sem og KA á Akureyri.
😍🇮🇸 pic.twitter.com/FJCqd8RZIg
— Jonathan Hendrickx (@jhendrickx26) December 27, 2020
Athugasemdir