Parma og Atalanta áttust við í fyrsta leik næstsíðustu umferðar ítalska deildartímabilsins.

Heimamenn í Parma voru betri í fyrri hálfleik og skoraði sænska ungstirnið Dejan Kulusevski fyrsta mark leiksins á 43. mínútu.

Gian Piero Gasperini gerði tvær skiptingar í leikhlé og kom Ruslan Malinovskyi meðal annars inn fyrir Mario Pasalic, sem er hjá Atalanta að láni frá Chelsea.

Atalanta tók stjórn á leiknum eftir leikhlé og jafnaði Malinovskyi á 70. mínútu með bylmingsskoti úr aukaspyrnu. Tæpum stundarfjórðungi síðar var Alejandro 'Papu' Gomez búinn að gera sigurmarkið eftir frábært einstaklingsframtak.

Atalanta er í öðru sæti eftir sigurinn, með 78 stig eftir 37 umferðir. Það er þeirra besti árangur frá upphafi ítölsku deildarinnar.

Parma siglir lygnan sjó um miðja deild, með 46 stig.