Solskjær er búinn að koma United aftur í baráttuna um fjórða sætið og er liðið í 8-liða úrslitum Meistaradeildarinnar eftir magnaða endurkomu gegn PSG.

Flestir stuðningsmenn United eru sáttir með ráðninguna, en Simon Jordan, sem var stjórnarformaður Crystal Palace frá 2000 til 2010, telur hana vera mistök.

Hann telur að Solskjær geti ekki haft betur gegn Klopp, Guardiola og Pochettino í baráttunni um enska meistaratitilinn.

„Ég segi að þetta séu óumflýjanleg mistök. Frammistaðan réttlætir ráðninguna, en United er í erfiðri stöðu," sagði Jordan við Talksport.

„Það eru liðin sex ár síðan United vann ensku úrvalsdeildina síðast og það eru þrjú lið sem eru betri - Man City, Liverpool og Tottenham."

„Man Utd getur brúað bilið leikmannalega séð, en það eru að minnsta kosti þrír betri stjórar en Solskjær. Pep Guardiola er klárlega besti stjórinn, Jurgen Klopp er ekki langt á eftir og Mauricio Pochettino er að gera góða hluti."

„Erum við í alvöru að segja að Solskjær sé að fara að gera betur en Guardiola, Klopp og Pochettino?"

Hlusta má á rök Jordan hér að neðan.

Lærisveinar Solskjær í United eru að fara að mæta Watford klukkan 15:00. Smelltu hér til að sjá byrjunarliðin.

"Pep, Poch & Klopp are better managers than Solskjaer so how are #MUFC going to bridge the gap?"

"It's an unavoidable mistake."

"It's short-term thinking and possibly a long-term problem."@SJOpinion10 didn't hold back when asked about Ole Gunnar Solskjaer! 🔥 pic.twitter.com/LawZ6y6s7w

— talkSPORT (@talkSPORT) March 29, 2019