Pep Guardiola, stjóri Manchester City, segir að Mino Raiola umboðsmaður Paul Pogba og Henrikh Mkhitaryan hafi boði leikmennina til City í félagaskiptaglugganum í janúar.
„Fyrir tveimur mánuðum bauð hann (Raiola) mér að fá Mkhitaryan og Pogba til okkar. Af hverju?" sagði Guardiola á fréttamannafundi í dag.
„Hann sagðist hafa áhuga á að láta Mkhitaryan og Pogba spila með okkur. Pogba er ótrúlegur leikmaður. Topp leikmaður."
Mkhitaryan fór til Arsenal í janúar en Pogba var áfram hjá Manchester United.
Samband Pogba og Jose Mourinho, stjóra Manchester United, hefur versnað á tímabilinu og þá ku Mourinho ekki vera ánægður með Raiola sem er víst duglegur að heimsækja æfingasvæði Manchester United og segja sínar skoðanir á hlutunum.
Manchester City og Manchester United mætast á Etihad leikvanginum á morgun en City getur tryggt sér enska meistaratitilinn með sigri þar.
Say what? 👂🏾 pic.twitter.com/FGCGFqAe64
— Paul Pogba (@paulpogba) April 6, 2018
Athugasemdir