Samkomulag um að Sigurbergur myndi ekki spila - „Undarlegt allt saman"
Sigurbergur Áki í leik með Stjörnunni
Mynd: Jónína Guðbjörg Guðbjartsdóttir
Sigurbergur Áki í leik með Stjörnunni
Mynd: Jónína Guðbjörg Guðbjartsdóttir
Sigurbergur Áki Jörundsson spilaði ekki með Fylki gegn Stjörnunni í gær þar sem liðin höfðu gert með sér heiðursmannasamkomulag.
Rúnar Páll kaldhæðinn: Ég fæ alltaf spjald - Elska þessa nýju línu
Sigurbergur gekk til liðs við Fylki frá Stjörnunni á lokadegi félagaskiptagluggans í síðustu viku. Hann lék allan leikinn með Fylki gegn Hetti/Huginn í Mjólkurbikarnum á fimmtudaginn en mátti ekki spila í gær.
„Það var heiðursmannasamkomulag svo þessi samningur myndi ganga í gegn eins skrítið og það nú er, þetta er mjög undarlegt allt saman. En svona er þetta. Ég stend ekki í því að gera samning milli liðanna. Að sjálfsögðu hefði ég viljað nota hann," sagði Rúnar Páll Sigmundsson þjálfari Fylkis við Fótbolta.net eftir leikinn í gær.
„Það hefði verið gaman að sjá hann inn á. Við munum sakna hans mikið, fyrst og fremst stórkostlegur inn í hópnum. Hann á framtíðina fyrir sér, hann á eftir að verða einstakur hafsent og yfirburðarmaður í sínni stöðu. Ég er ekki í þessu, þekki þetta ekki, er að hafa áhyggjur af öðrum hlutum," sagði Jökull Elísabetarson þjálfari Stjörnunnar.
