Zirkzee, Yoro og Branthwaite orðaðir við Man Utd - Arsenal mun framkvæma læknisfræðilegt mat á Neto
   sun 28. apríl 2024 20:35
Brynjar Ingi Erluson
Besta deildin: Blikar aftur á sigurbraut eftir spennandi lokamínútur á Meistaravöllum
Mynd: Fótbolti.net - Eyjólfur Garðarsson
Mynd: Fótbolti.net - Eyjólfur Garðarsson
KR 2 - 3 Breiðablik
0-1 Kristinn Steindórsson ('59 )
0-2 Viktor Örn Margeirsson ('77 )
1-2 Stefán Árni Geirsson ('86 )
1-3 Jason Daði Svanþórsson ('89 )
2-3 Benoný Breki Andrésson ('92 , víti)
Lestu um leikinn

Breiðablik er komið aftur á sigurbraut eftir að liðið fagnaði 3-2 sigri á KR í Bestu deild karla á Meistaravöllum í kvöld. Þrjú mörk voru skoruð á síðustu mínútum leiksins.

KR-ingar klæddust gamaldags treyjum við fremur erfiðar vallaraðstæður í Frostaskjóli en samt sem áður var ágætis fótbolti spilaður í leiknum.

Liðin sköpuðu sér bæði ágætis sénsa en Blikar voru þó líklegri til að skora. Staðan í hálfleik var markalaus en fjörið fór almennilega af stað í þeim síðari.

Kristinn Steindórsson skoraði fyrsta mark leiksins. Viktor Karl Einarsson fékk nægan tíma til að koma boltanum inn í teiginn, þar sem Kristinn var mættur eftir að hafa farið á milli tveggja varnarmanna og sett boltann í netið.

Viktor Örn Margeirsson tvöfaldaði forystuna með skoti af stuttu færi eftir hornspyrnu Höskuldar Gunnlaugssonar.

KR-ingar náðu að bíta frá sér. Stefán Árni Geirsson minnkaði muninn. Aron Kristófer Lárusson átti skot sem Anton Ari Einarsson varði út á Stefán sem setti boltann í stöng og inn.

Blikar svöruðu strax eftir skelfileg mistök Guy Smit. Jason Daði Svanþórsson stal boltanum af Smit áður en hann setti boltann í netið. Smit verið að gera furðuleg mistök í síðustu leikjum.

Dramatíkinni var ekki lokið. Eyþór Aron Wöhler fiskaði vítaspyrnu nokkrum mínútum síðar og var það Benoný Breki Andrésson sem skoraði af öryggi úr spyrnunni.

Stórskemmtilegur endir á leiknum en það eru Blikar sem hirða öll stigin og eru því komnir aftur á sigurbraut. Þriðji sigur liðsins á tímabilinu en KR-ingar hafa nú tapað tveimur deildarleikjum í röð og eru því aðeins með 6 stig.
Besta-deild karla
Lið L U J T Mörk mun Stig
1.    Víkingur R. 12 8 3 1 28 - 13 +15 27
2.    Breiðablik 12 8 2 2 27 - 14 +13 26
3.    Valur 12 7 4 1 30 - 15 +15 25
4.    ÍA 11 5 2 4 21 - 15 +6 17
5.    FH 11 5 2 4 21 - 21 0 17
6.    Stjarnan 12 5 1 6 24 - 24 0 16
7.    Fram 11 3 4 4 15 - 17 -2 13
8.    HK 11 4 1 6 14 - 21 -7 13
9.    KR 11 3 3 5 20 - 22 -2 12
10.    Vestri 11 3 1 7 14 - 28 -14 10
11.    KA 11 2 2 7 17 - 27 -10 8
12.    Fylkir 11 2 1 8 16 - 30 -14 7
Athugasemdir
banner
banner