Það stefnir í allsherjar hreinsun á leikmannahópi Manchester United í sumar en enskir fjölmiðlar greina frá því að aðeins þrír leikmenn séu ósnertanlegir.
Það eru þeir Rasmus Höjlund, Alejandro Garnacho og Kobbie Mainoo. Félagið mun ætla að byggja upp lið í kringum þá.
Félagið mun ekki bjóða öðrum félögum að kaupa leikmann á borð við Marcus Rashford en mun hins vegar vera tilbúið til að selja hann ef það fær rétt tilboð.
Félagið neyðist til að fara í róttækar aðgerðir vegna fjármálareglna ensku deildarinnar ef liðinu mistekst að tryggja sér sæti í Evrópukeppni á næstu leiktíð.
Mirror greindi frá því í síðustu viku að tólf leikmenn liðsins gætu yfirgefið félagið og þá voru nefndir menn á borð við Rashford, Casemiro, Raphael Varane og Harry Maguire.