Klárar tímabilið á láni hjá Dortmund
Christian Pulisic.
Chelsea hefur keypt bandaríska sóknarmiðjumanninn Christian Pulisic frá Borussia Dortmund á 58 milljónir punda.
Pulisic klæðist þó ekki bláu treyjunni fyrr en í sumar því Chelsea hefur lánað hann aftur til Dormtund út tímabilið.
Pulisic klæðist þó ekki bláu treyjunni fyrr en í sumar því Chelsea hefur lánað hann aftur til Dormtund út tímabilið.
Hinn tvitugi Pulisic var einnig á óskalista Liverpool en Chelsea hefur nú tryggt sér þjónustu hans.
„Það var alltaf draumur Christian að spila í ensku úrvalsdeildinni. Það var út af amerískum bakgrunni hans og því gátum við ekki framlengt samning hans," sagði Michael Zorc yfirmaður íþróttamála hjá Dortmund.
Hinn tvítugi Pulisic hefur verið í umræðunni undanfarin ár en hann varð árið 2016 yngsti erlendi leikmaðurinn til að skora í þýsku Bundesligunni.
Pulisic er einnig yngsti leikmaðurinn sem hefur spilað með landsliði Bandaríkjanna í undankeppni HM.
Pulisic er fjölhæfur sóknarmaður en hann getur spilað fremst á miðjunni sem og á vængjunum.
Eden Hazard hefur ítrekað verið orðaður við Real Madrid en samningur hans hjá Chelsea rennur út sumarið 2020. Sumir telja að Hazard verði seldur í sumar og að Pulisic eigi þá að fylla skarð hans.
Athugasemdir
