Fótbolti.net

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

Bjarni Guðjón: Það er gaman að vera Þórsari í dag

„Fullyrði að ekki nokkur leikmaður hefur bætt sig jafn mikið eftir þrítugt"

Rúnar: Þá tekur þú ekki besta leikmanninn í liðinu útaf

Hallgrímur Mar: Getum engum öðrum en sjálfum okkur um kennt

Heimir: Þeir voru að svæfa leikinn og komust upp með það

Jón Daði: Þarf að komast í burtu frá fótbolta og hreinsa hugan

fös 26. apríl 2024 18:44

Sæbjörn Þór Þórbergsson Steinke

Brynjar Björn útskýrir útlendingafjöldann

Brynjar Björn

Mynd: Fótbolti.net - Hafliði Breiðfjörð

Úr leik í fyrra.

Mynd: Fótbolti.net - Haukur Gunnarsson

Fyrir gluggalok var tilkynnt um komu níunda erlenda leikmannsins í raðir Grindavíkur. Brynjar Björn Gunnarsson, þjálfari Grindavíkur, ræddi við Fótbolta.net í dag.

Er þetta einhver sérstök stefna í ár? Er horft á að fara beint upp úr deildinni, eða hver er hugsunin?

„Það er margþætt. Markaðurinn í haust og í vetur á Íslandi var bara hálftómur, líflaus. Svo fer eitthvað aðeins af stað viku fyrir glugga, einhverjir lánsmenn; 10-15 lið að berjast um einhverja 3-4 leikmenn sem fara á lán. Til þess að við værum próaktífir fyrir veturinn þá fengum við 3-4 leikmenn sem komu inn í janúar/febrúar. Það voru svo 1-2 sem komu núna bara fyrir mjög stuttu. Við vorum því komnir með ágætis æfingahóp í ferúar, vildum gera það þannig og vera eins klárir og við getum fyrir fyrsta leik í móti," sagði Brynjar.

„Við vildum ekki tína inn 7-8 leikmenn í lok glugga þegar það er vika í mót. Það gefst aldrei vel, fara þá 4-5 leikir í það að spila hópinn saman og koma mönnum í form. Við ákváðum þegar við sáum að það var erfittað ná íslenskum leikmönnum að fá þá leikmenn sem buðust erlendis og reyna búa til góðan kjarna yfir veturinn, nota veturinn í það. Sumir af þessum leikmönnum eru með samninga sem gilda á næsta ári líka svo að við séum ekki í sömu stöðu næsta haust að þurfa endurnýja."

„Ef staðan hefði verið önnur og við hefðum átt tækifæri á að fá íslenska leikmenn með sömu gæði þá hefðum við klárlega skoðað það alveg jafnmikið og það að fá útlendinga. Það var bara ekki í boði, við vildum stjórna aðeins okkar vegferð í vetur og þetta varð niðurstaðan," sagði Brynjar.

Viðtalið við hann er talsvert lengra og má sjá í heild sinni í spilaranum efst.

Komnir
Kwame Quee frá Sierra Leóne
Hassan Jalloh frá HK
Ion Perello frá Fram
Dennis Nieblas frá Kýpur
Adam Árni Róbertsson frá Þrótti V.
Nuno Malheiro frá Portúgal
Eric Vales frá Slóveníu
Hrannar Ingi Magnússon frá Víkingi (á láni)
Josip Krznaric frá Slóveníu
Matevz Turkus frá Slóveníu
Mathias Munch Larsen frá Danmörku
Kristófer Leví Sigtryggsson frá Gróttu (var á láni hjá KFG)

Farnir
Dagur Austmann Hilmarsson í Fjölni
Edi Horvat til Slóveníu
Freyr Jónsson í Dalvík/Reyni
Guðjón Pétur Lýðsson í Hauka
Marko Vardic í ÍA
Óskar Örn Hauksson í Víking R.
Viktor Guðberg Hauksson í Reyni á láni
Ólafur Flóki Stephensen í Val (var á láni)
Tómas Orri Róbertsson í Breiðablik (var á láni)
Alexander Veigar Þórarinsson í ÍH