Tommy Docherty, fyrrum stjóri Manchester United og fyrrum landsliðsþjálfari Skotlands, er látinn, 92 ára að aldri, eftir langa baráttu við veikindi.
Docherty fæddist í Glasgow í Skotlandi og spilaði á leikmannaferlinum meira en 300 leiki fyrir Preston, ásamt því að spila 25 landsleiki fyrir Skotland.
Hann stýrði 12 félagsliðum, hann vann deildabikarinn með Chelsea 1965 og stýrði Man Utd til sigurs í FA-bikarnum 1977.
Man Utd féll úr efstu deild England undir stjórn Docherty 1974 en félagið sýndi honum traust og hann kom því aftur í efstu deild. United vann svo sterkt lið Liverpool í úrslitaleik FA-bikarsins þremur árum síðar.
Docherty var rekinn frá Rauðu djöflunum stuttu eftir glæstan sigur í FA-bikarnum þar sem upp komst um ástarsamband hans við Mary Brown, eiginkonu eins af sjúkraþjálfurum United. Docherty giftist Brown og voru þau saman til æviloka hans.
Docherty var tekinn inn í heiðurshöll Skotland árið 2013.
Í yfirlýsingu kemur fram að Docherty hafi látist á friðsamlegan hátt umvafinn fjölskyldu sinni. „Hann var elskaður eiginmaður, faðir og afi. Hans verður sárt saknað."
We are deeply saddened by the passing of Tommy Docherty, who led us to FA Cup victory in 1977 with a thrilling, attacking team in the best traditions of Manchester United.
— Manchester United (@ManUtd) December 31, 2020
Everyone at the club sends sincere condolences to Tommy’s loved ones. pic.twitter.com/KLRsRJwIIv
Athugasemdir