Mynd: EPA

Everton tók forystuna í upphafi síðari hálfleiks og getur liðið þakkað Pickford fyrir að halda henni með mögnuðum markvörslum. 

Pickford átti sérstaklega eina tvöfalda markvörslu sem var í algjörum heimsklassa.

„Þetta var heimsklassa markvarsla hjá honum og við sjáum þetta á hverri æfingu. Það er ástæða fyrir því að hann er númer 1 hjá enska landsliðinu," sagði Seamus Coleman, fyrirliði Everton, og tók Frank Lampard undir áður en Pickford svaraði spurningum.

„Þetta er ástæðan fyrir því að ég er hérna. Þetta er liðsíþrótt sem snýst um að ná í þrjú stig og ég hjálpaði liðinu að ná í stigin í dag. Þetta er vinnan mín," sagði Pickford.

„Núna þurfum við að halda okkur á jörðinni og halda áfram að berjast fyrir lífi okkar í hverjum leik."

Everton er áfram í fallsæti þrátt fyrir sigur, tveimur stigum frá öruggu sæti en með leik til góða á næstu lið fyrir ofan.