Á miðnætti urðu margir leikmenn í helstu deildum Evrópu samningslausir. Sky Sports tók saman draumalið leikmanna sem eru án félags í augnablikinu.
Michel Vorm - Er á förum eftir fimm ár á bekknum hjá Tottenham.
Dani Alves - Brasilíski bakvörðurinn er laus allra mála frá PSG. Hefur unnið 42 titla á ferlinum!
Gary Cahill - Varnarjaxlinn ætlar að finna sér nýtt lið eftir fá tækifæri hjá Chelsea á síðasta tímabili.
Thomas Vermaelen - Belginn hefur lítið spilað hjá Barcelona vegna meiðsla. Hann leitar nú að nýjum vinnuveitendum.
Alberto Moreno - Eftir fasta bekkjarsetu hjá Liverpool er Moreno á förum. Sevilla og Villarreal hafa áhuga.
Denilson - 31 árs miðjumaður sem var á mála hjá Arsenal á sínum tíma. Hefur verið í basli í heimalandinu Brasilíu og er án félags.
Hatem Ben Arfa - Vandræðagemsinn er án félags eftir að samningur hans hjá Rennes rann út.
Yohan Cabaye - Gæti verið á leið aftur til Crystal Palace eftir að samningi hans hjá Al Nasr í Sádi-Arabíu var rift.
Franck Ribery - Eftir langa dvöl hjá Bayern Munchen þá gæti Ribery verið á leið til Kína eða Katar.
Daniel Sturridge - Hinn 29 ára gamli Sturridge hefur ekki náð meira en tíu mörkum á tímabili síðustu fimm ár hjá Liverpool. Mikið meiddur og á bekknum. Hvert fer hann í sumar?
Danny Welbeck - Hefur verið mikið meiddur en er sagður á óskalista Newcastle og Southampton í dag.
Athugasemdir
