Sheffield Utd 0 - 6 Arsenal
0-1 Martin Odegaard ('5 )
0-2 Jayden Bogle ('13 , sjálfsmark)
0-3 Gabriel Martinelli ('15 )
0-4 Kai Havertz ('25 )
0-5 Declan Rice ('39 )
0-6 Ben White ('58 )
0-1 Martin Odegaard ('5 )
0-2 Jayden Bogle ('13 , sjálfsmark)
0-3 Gabriel Martinelli ('15 )
0-4 Kai Havertz ('25 )
0-5 Declan Rice ('39 )
0-6 Ben White ('58 )
Arsenal gerði sér gönguferð í garðinum er liðið heimsótti Sheffield United á Bramall Lane í 27. umferð ensku úrvalsdeildarinnar í kvöld en lokatölur urðu 6-0, gestunum í vil.
Leikurinn var búinn eftir fimmtán mínútur eða svo. Martin Ödegaard skoraði á 5. mínútu eftir gott samspil. Declan Rice fékk boltann vinstra megin í teignum, setti hann fyrir á Ödegaard sem setti boltann í netið.
Gestirnir hömruðu járnið meðan það var heitt. Átta mínútum síðar var Bukayo Saka arkitektinn en fyrirgjöf hans fór af Jayden Bogle, varnarmanni Sheffield United og í eigið net áður en Gabriel Martinelli gerði þriðja markið á 15. mínútu og þvingaði það Chris Wilder, stjóra Sheffield, til að taka Oliver Norwood inn á og setja Ben Osborn í staðinn en það breytti engu.
Mikil ákefð var í leikmönnum Arsenal. Þeir pressuðu hátt og þannig kom einmitt fjórða mark leiksins. Martinelli vann boltann áður en hann var tekinn niður en það skipti litlu því Kai Havertz fékk boltann fyrir sig og setti hann örugglega neðst í fjærhornið.
Arsenal hélt áfram að leika sér að heimamönnum. Þeir léku sér á hægri vængnum, Saka sendur inn fyrir áður en hann lagði boltann á Rice sem skoraði með góðu skoti vinstra megin við Ivo Grbic, sem hefur átt betri daga.
Ben White fullkomnaði endanlega niðurlæginguna. Jorginho átti konfektsendingu yfir vörnina og á Havertz, sem fann White í teignum. Englendingurinn þrumaði boltanum í netið, brosti og hló er hann fagnaði markinu.
Mikel Arteta, stjóri Arsenal, nýtti þessa slátrun í að setja þá Gabriel Jesus og Thomas Partey inn á. Jesus komst nálægt því að bæta við sjöunda markinu en Grbic varði gott skot hans.
Undir lok leiksins fóru heimamenn að reyna skot af 20 metrunum en það bar ekki árangur.
Þægilegur stórsigur hjá Arsenal sem er áfram í 3. sæti með 61 stig, tveimur stigum frá toppliði Liverpool. Arsenal á möguleika á að komast á toppinn næstu helgi en þá þarf liðið að treysta á að Liverpool og Manchester City geri jafntefli.
Sheffield United er áfram á botninum með 13 stig, sjö stigum frá öruggu sæti.
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Man City | 33 | 23 | 7 | 3 | 80 | 32 | +48 | 76 |
3 | Liverpool | 34 | 22 | 8 | 4 | 75 | 34 | +41 | 74 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Man Utd | 33 | 16 | 5 | 12 | 51 | 50 | +1 | 53 |
7 | Newcastle | 33 | 15 | 5 | 13 | 69 | 54 | +15 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Bournemouth | 34 | 12 | 9 | 13 | 49 | 60 | -11 | 45 |
11 | Brighton | 33 | 11 | 11 | 11 | 52 | 54 | -2 | 44 |
12 | Wolves | 34 | 12 | 7 | 15 | 46 | 54 | -8 | 43 |
13 | Fulham | 34 | 12 | 6 | 16 | 50 | 54 | -4 | 42 |
14 | Crystal Palace | 34 | 10 | 9 | 15 | 44 | 56 | -12 | 39 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 34 | 11 | 8 | 15 | 36 | 48 | -12 | 33 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 34 | 3 | 7 | 24 | 33 | 92 | -59 | 16 |
Athugasemdir