Everton tefldi fram sterku byrjunarliði og stjórnaði fyrri hálfleiknum en varalið Liverpool tók völdin í síðari hálfleik og skóp sigurinn.

„Krakkarnir voru ótrúlega hugrakkir og þeir fullorðnu líka. Adam Lallana átti ótrúlegan leik og Joe Gomez stjórnaði vörninni í fyrsta sinn á ævinni," sagði Klopp stoltur.

„Stórkostlegur leikur og magnað mark frá alvöru 'Scouser' - hver gæti beðið um eitthvað meira? Ég er svo ánægður með frammistöðu strákanna, þeir telja sig eiga heima í þessu liði og það sást.

„Eina sem ég vildi ekki var jafntefli. Við urðum að taka áhættu og það skilaði sér."