Ingólfur Sigurðsson og Viktor Unnar Illugason spá í leikina.
Harry Kane og félagar í Bayern eru 1-0 undir gegn Lazio.
PSG er í fínum málum eftir 2-0 sigur í fyrri leik sínum gegn Sociedad.
Í kvöld klárast fyrstu einvígin í 16-liða úrslitum Meistaradeildar Evrópu. Meistaraspáin er skemmtileg keppni sem er spiluð meðfram útsláttarkeppninni hér á Fótbolta.net.
Sérfræðingar í ár eru Ingólfur Sigurðsson, fótboltamaður og þjálfari, og Viktor Unnar Illugason, þjálfari hjá Val. Starfsfólk Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Svona spá þeir leikjum kvöldsins:
Sérfræðingar í ár eru Ingólfur Sigurðsson, fótboltamaður og þjálfari, og Viktor Unnar Illugason, þjálfari hjá Val. Starfsfólk Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Svona spá þeir leikjum kvöldsins:
Ingólfur Sigurðsson
Bayern München 2 - 1 Lazio
Ég neita að trúa öðru en að Bayern rífi sig í gang á heimavelli. Kane skorar eitt. Þetta fer í framlengingu, jafnvel vító, þar sem Bayern mun standa uppi sem sigurvegari. Þetta verður þó engan veginn sannfærandi hjá heimamönnum.
Real Sociedad 1 - 0 PSG
PSG er í góðri stöðu fyrir þennan leik og í rauninni er formsatriði fyrir þá að klára þennan leik. Það verður 0-0 framan af í mjög bragðdaufum leik, alveg þangað til í uppbótartíma þegar Baskarnir lauma inn sigurmarki með skalla eftir hornspyrnu. Ég hlakka til að missa af þessum leik.
Viktor Unnar Illugason
Bayern München 2 - 1 Lazio
Tímabilið undir hjá Bayern. Þeir munu vinna þennan leik 2-1 og fara með hann í framlengingu. Því miður fyrir Lazio er útivallamark hætt að telja. Bayern vinnur þetta svo með marki frá Kane þegar allt útlit er fyrir vító.
Real Sociedad 0 - 2 PSG
Þetta einvígi er búið og PSG klárar þennan leik þægilega. Mark í sitt hvorum hálfleiknum.
Fótbolti.net - Aksentije Milisic
Bayern München 3 - 1 Lazio
Þjóðverjarnir hafa verið að spila illa að undanförnu en þeir fara áfram úr þessu einvígi. Lazio er með meðallið og Harry Kane skorar allavega eitt í 3-1 sigri og Bayern sleppur við framlengingu.
Real Sociedad 1 - 1 PSG
PSG er í fínum málum eftir fyrri leikinn en það kemur skjálfi í þá þegar Sociedad kemst í forystu. PSG nær hins vegar að jafna leikinn nokkuð fljótt og drepa alla spennu og fer liðið nokkuð þægilega í 8-liða úrslitin.
Staðan í heildarkeppninni:
Viktor Unnar Illugason - 11
Fótbolti.net - 9
Ingólfur Sigurðsson - 5
Athugasemdir
