Hughes lék einnig með Portsmouth á ferli sínum sem leikmaður.
Bournemouth er búið að staðfesta ráðningu á Simon Francis sem tæknilegum yfirmanni fótboltafélagsins. Hann mun taka við starfinu í sumar, þegar Richard Hughes yfirgefur félagið.
Með ráðningunni á Francis hefur Bournemouth staðfest yfirvofandi brottför Hughes, sem er eftirsóttur af ýmsum félögum víða um Evrópu.
AS Roma var nefnt til sögunnar í vetur en núna virðist Liverpool vera líklegasti áfangastaðurinn.
Hughes er 44 ára gamall og lék yfir 150 leiki fyrir Bournemouth áður en hann lagði skóna á hilluna fyrir áratugi síðan. Hann lék einnig fimm landsleiki fyrir Skotland á ferlinum.
Hughes var ráðinn til Bournemouth undir stjórn Eddie Howe og var snöggur að vinna sig upp í stjórnunarstöðu.
Athugasemdir
