„Þegar maður horfir á þetta til baka þá held ég að maður verði bara sáttur með stigið, auðvitað komum við hingað til að reyna að vinna þennan leik og vorum svo sem að spila bara fannst mér mjög vel í fyrri hálfleik og vorum bara á góðri leið með að taka öll stigin. En svo auðvitað er erfitt að vera manni færri svona stóran hluta leiks og við þurftum bara að gera hlutina aðeins öðruvísi en við erum vön, en mér fannst stelpurnar bara standast það próf, þetta mótlæti, bæði að lenda undir og manni færri og fá á sig víti og allt þetta sem gekk á í leiknum," sagði Vilhjálmur Kári Haraldsson, þjálfari Breiðabliks, eftir 3-3 jafntefli gegn Stjörnunni í dag.
Lestu um leikinn: Stjarnan 3 - 3 Breiðablik
Birta Georgsdóttir skoraði mark á 17. mínútu í stöðunnu 1-0 fyrir Stjörnunni, en var flögguð rangstæð, einhverjir vildu meina að þetta hafi verið rangur dómur.
„Ég bara sá það ekki nógu vel, ég þarf bara að skoða það í sjónvarpinu á eftir. Ég sá það ekki en það voru einhverjir að tala um að það hafi verið tæpt en það er erfitt að sjá það þar sem ég stóð."
Næsta verkefni Breiðabliks er heimaleikur gegn ZNK Osijek í Meistaradeild Evrópu á fimmtudaginn.
„Hann leggst bara mjög vel í okkur, þetta verður bara hörkuspennandi leikur. Gríðarlega mikilvægur leikur fyrir stelpurnar og bara fyrir íslenska knattspyrnu. Maður vonar bara að við náum góðum leik og fólk mæti og horfi á okkur."
Vilhjálmur talar nánar um Meistaradeildarleikinn í viðtalinu og er hægt að horfa á það í spilaranum hér fyrir ofan.
Athugasemdir