Sveinn Óli er fæddur árið 2000 en hann lék fimm leiki fyrir Þrótt í Lengjudeildinni á tímabilinu.

Hann var á láni hjá ÍR-ingum fyrri part sumarsins en snéri aftur í Laugardalinn um mitt sumar.

Franko Lalic var aðalmarkvörður Þróttar á síðasta tímabili en hann verður samningslaus á næstu dögum.

Sveinn Óli framlengdi samning sinn við Þrótt í dag og er nú samningsbundinn til 2024 en hann er hugsaður sem aðalmarkvörður liðsins næstu árin.

Þróttarar féllu niður í 2. deild eftir að hafa lent í 11. sæti Lengjudeildarinnar.