Austin var staddur á leik Watford og Swansea í Championship-deildinni á dögunum þar sem hann fylgdist með Watford, næstu mótherjum Coventry.

Hann var í samskiptum við Mark Robins, stjóra Coventry, og umboðsmanninn Rob Segal á meðan leiknum stóð en maður sem sat fyrir aftan hann á vellinum tók myndir af síma Austin og birti þær á samfélagsmiðlum.

Í skilaboðunum tala þeir meðal annars um framtíð Valerien Ismael, stjóra Watford. „Ég vona að hann verði ekki rekinn fyrir laugardaginn," segir Austin í skilaboðum til Robins en þeir voru ekki hrifnir af frammistöðu Watford í leiknum.

Austin telur að þarna hafi friðhelgi sín verið brotin og íhugar lögsókn. Hér fyrir neðan má sjá myndirnar sem voru birtar.