Chris Sutton sparkspekingur breska ríkisútvarpsins spáir í alla leiki deildarinnar og hann spáir 2-1 sigri Liverpool á sunnudag.

„City eru Englandsmeistarar, Evrópumeistarar og heimsmeistarar, svo hver ætlar að veðja gegn þeim? Ég ætla að gera það, ég held að þeir tapi," segir Sutton.

„Ég hef trú á því að þar sem Liverpool er á heimavelli hafi það örlítið forskot og endurkoma Mohamed Salah af meiðslalistanum gæti gert gæfumuninn í mjög jöfnum leik."

Salah kom inn af bekknum á 74. mínútu í gær þegar Liverpool vann öruggan sigur gegn Sparta Prag í Evrópudeildinni.

Sutton spáir því að Darvin Nunez skori og Liverpool fagni sigri sem reynist gulls ígildi í titilbaráttunni.