Inter heimsótti Bologna í dag og skoraði miðvörðurinn Yann Bisseck eina mark leiksins á 37. mínútu eftir fyrirgjöf frá öðrum miðverði, Alessandro Bastoni.

Bologna reyndi að jafna í síðari hálfleik en tókst ekki að skora framhjá sterkri vörn verðandi Ítalíumeistaranna, sem eru með 18 stiga forystu sem stendur.

Fallbaráttuliðin Cagliari og Sassuolo unnu þá sína leiki í dag og er gríðarlega mikið líf í fallbaráttunni.

Cagliari skoraði fjögur gegn botnliði Salernitana og var þetta annar sigurinn í röð hjá lærisveinum Claudio Ranieri. Þeir eru þremur stigum frá fallsæti eftir sigurinn, þar sem Eldor Shomurodov kom inn af bekknum og skoraði tvennu til að tryggja sigur. Shomurodov er nýbúinn að jafna sig eftir meiðsli.

Sassuolo vann þá 1-0 gegn nýliðum Frosinone, þar sem Kristian Thorstvedt skoraði eina mark leiksins á 58. mínútu. Thorstvedt braut af sér innan vítateigs á 90. mínútu en Kaio Jorge brást bogalistin og endaði vítaspyrna hans framhjá markinu.

Albert Guðmundsson og félagar í Genoa taka á móti Monza í síðasta leik kvöldsins.

Bologna 0 - 1 Inter
0-1 Yann Bisseck ('37 )

Cagliari 4 - 2 Salernitana
1-0 Gianluca Lapadula ('12 )
2-0 Gianluca Gaetano ('40 )
3-0 Eldor Shomurodov ('51 )
3-1 Grigoris Kastanos ('56 )
3-2 Giulio Maggiore ('58 )
4-2 Eldor Shomurodov ('76 )

Sassuolo 1 - 0 Frosinone
1-0 Kristian Thorstvedt ('58 )
1-0 Kaio Jorge ('90 , Misnotað víti)