ÍH og KR mættust í eina leik dagsins í C-deild Lengjubikarsins og var staðan markalaus eftir fyrri hálfleik.

KR tókst að sigra leikinn með tveimur mörkum í seinni hálfleik þar sem Katla Guðmundsdóttir lék á alls oddi og gerði bæði mörkin.

Katla skoraði fyrra markið á 69. mínútu og innsiglaði svo sigurinn á lokakaflanum.

KR hefur farið vel af stað í Lengjubikarnum og er með fullt hús stiga eftir þrjár umferðir. ÍH er með þrjú stig eftir tvær umferðir.