Donny van de Beek hefur ekki náð að sanna sig hjá Frankfurt og gæti verið aftur á leið til Man Utd næsta sumar.
Þessi 26 ára gamli miðjumaður hefur átt erfitt uppdráttar hjá Manchester United en hann var lánaður til Frankfurt í janúar í von um að hann gæti komið ferlinum almennilega af stað aftur.
Það hefur hins vegar gengið hægt þar sem hann hefur ekki verið fastamaður í liðinu. Hann hefur komið við sögu í fimm leikjum í þýsku deildinni, þá hefur hann þrisvar sinnum verið ónotaður varamaður.
Það er ákvæði í lánssamningnum að Frankfurt getur keypt hann fyrir rúmlega 12 milljónir punda en þýska félagið ætlar ekki að nýta sér þann möguleika að svo stöddu.
Athugasemdir
