Emerson Royal, leikmaður Tottenham, gæti óvænt spilað sinn fyrsta aðalliðsleik fyrir félagið á morgun.
Emerson gekk í raðir Tottenham á lokadegi félagaskiptagluggans í ágúst og kom til félagsins frá Barcelona.
Tottenham borgaði 25,7 milljónir punda fyrir Emerson sem hefur lítið æft með stjörnum liðsins síðan þá þar sem landsleikjahlé hefur verið í gangi.
Giovani Lo Celso, Cristian Romero og Davinson Sanchez munu líklega ekki taka þátt í þessum leik sem er gegn Crystal Palace.
Alls gætu sjö stjörnur Tottenham misst af þessum leik og gæti bakvörðurinn því óvænt fengið að spila sinn fyrsta leik svo snemma.
Athugasemdir
