Barcelona tekur á móti Napoli annað kvöld í seinni viðureign liðanna í 16-liða úrslitum Meistaradeildarinnar. 1-1 jafntefli varð niðurstaðan í fyrri leiknum.
Xavi, stjóri Barcelona, segir að Napoli hafi bætt sig undir stjórn Francesco Calzona
Xavi, stjóri Barcelona, segir að Napoli hafi bætt sig undir stjórn Francesco Calzona
„Ég býst við stoltu Napoli liði, þeir eru með góð einstaklingsgæði og öfluga leikmenn í sóknarstöðunum. Þetta er stórleikur á móti ríkjandi Ítalíumeisturum," segir Xavi.
„Þeir hafa bætt sig með nýjum þjálfara, það er meiri dínamík. Við vorum betra liðið í Napoli og verðum að gera enn betur núna. Þetta er mikilvægasti leikur okkar á tímabilinu"
Xavi var spurður að því hvort það væri einhver leikmaður í Napoli liðinu sem hann vildi fá í sitt lið. Þar nefndi hann slóvakíska landsliðsmanninn Stanislav Lobotka.
„Ég er hrifinn af Lobotka, hann er góður í að byggja upp sóknir og tapar ekki boltanum. Ég væri til í að sjá hann í liði eins og Barca."
Athugasemdir