Hinn 31 árs gamli Boateng átti flott síðasta tímabil með Eintracht Frankfurt í Þýskalandi. Hann hjálpaði liðinu að verða þýskur bikarmeistari eftir úrslitaleik gegn Bayern München.

Það kom á óvart að hann skyldi fara til Sassuolo í sumar og var kærasta hans sögð spila stórt hlutverk í því. Boateng hefur núna greint frá því að ítölsk matagerð hafa líka spilað inn í.

„Það er pasta hérna," sagði Boateng við Bild. „Mjög, mjög gott pasta. Ég fór nýverið á veitingahús og pastað var svo gott að ég fór inn í eldhúsið og faðmaði kokkinn. Svona góður matur er ekki alls staðar, þú verður að passa þig á því að verða ekki feitur."

Boateng tók það einnig fram í viðtalinu að Niko Kovac væri stór ástæða fyrir því að hann yfirgaf Frankfurt í sumar. Kovac hætti með Frankfurt til að taka við Bayern München.