Úrslitaleikurinn í bikarkeppni neðrideildar liða á Englandi fór fram á Wembley í dag. Þetta var úrslitaleikurinn frá því á síðustu leiktíð en honum var frestað vegna kórónuveirufaraldursins.
Bikarkeppni liða í neðri deildunum hefur borið hin ýmsu nöfn í gegnum tíðina en í dag er Papa John's pizza staðurinn styrktaraðili keppninnar.
Portsmouth og Salford áttust við í úrslitaleiknum. Portsmouth er í C-deild en Salford í D-deild.
Hermann Hreiðarsson, fyrrum leikmaður Portsmouth, sendi sínu gamla félagi skemmtilega kveðju á Twitter fyrir leikinn. Kveðjuna má sjá hér að neðan.
Leikurinn var markalaus eftir venjulegan leiktíma og framlengingu. Því var gripið til vítaspyrnukeppni og þar hafði Salford betur, 4-2. Eigendur Salford eru úr hinum fræga 1992 árgangi Manchester United; það eru David Beckham, Nicky Butt, Ryan Giggs, Gary- og Phil Neville og Paul Scholes. Einnig á viðskiptamaðurinn Peter Lim stóran hlut í félaginu.
Á morgun verður úrslitaleikur keppninnar frá þessu tímabili leikinn á Wembley. Þar mætast Sunderland og Tranmere Rovers.
🔵 We're gutted that we can't give Hermann Hreidarsson the microphone at Wembley like we did in 2019
— Portsmouth FC (@Pompey) March 13, 2021
💪 That hasn't stopped the #Pompey legend showing his support though! pic.twitter.com/fiueBTTrLP
Athugasemdir
