Einar Guðnason, aðstoðarþjálfari Víkings R., tók fram skóna í gær og skoraði þegar Víkingur lagði Þór að velli í Boganum á Akureyri.
Leikurinn var í Lengjubikarnum og vann Víkingur 5-0. Einar skoraði síðasta markið í leiknum eftir að hafa komið inn á sem varamaður á 87. mínútu.
Einar, sem er 36 ára, spilaði síðast fyrir Víking í Landsbankadeildinni árið 2006 en hefur spilað með Berserkjum frá 2007. Hann spilaði síðast mótsleik með Berserkjum árið 2019.
Hægt er að sjá markið hér að neðan en leikurinn var sýndur í beinni á ÞórTV. Markinu var fagnað vel og innilega.
Það er spurning hvort Einar spili eitthvað meira með Víkingum á undirbúningstímabilinu en það verður að teljast afar ólíklegt, alla vega miðað við tíst hans eftir leikinn. „Ég er hættur," skrifaði hann einfaldlega.
Svo hefur bara arftaki Óttars Magnúsar verið öll þessi ár í Víkinni! Take a bow @EinarGudna 🔥
— Runólfur Trausti Þórhallsson (@Runolfur21) March 12, 2021
🎥 @thorsport pic.twitter.com/FU4FDFKViy
Ég er hættur
— Einar Gudnason (@EinarGudna) March 12, 2021
Bara gefa ykkur myndlíkingu enn svona var stenmingin sirka þegar Einar Guðna skoraði í gær pic.twitter.com/ZurULC3JVL
— Kristall Máni Ingason (@KristallMani) March 13, 2021
Athugasemdir