Sonderjyske vann 2-0 sigur á Helsingör í næst efstu deild í Danmörku í dag en tveir Íslendingar voru á skotskónum fyrir Sönderjyske. Þetta var síðasta umferðin í venjulegri deildarkeppni.
Kristall Máni Ingason og Daníel Leó Grétarsson skoruðu báðir í sigrinum en auk þess að skora þá lagði Kristall upp markið hjá Daníeli. Kristall var valinn maður leiksíns í dag.
Bæði mörkin komu í síðari hálfleiknum en Sönderjyske endar í öðru sæti deildarinnar, tveimur stigum á eftir toppliði Álaborg.
Atli Barkarson spilaði einnig í leiknum fyrir Sönderjyske en allir Íslendingarnir þrír spiluðu 90 mínútur í dag.
Deildin mun nú skiptast í tvennt þar sem sex efstu liðin munu spilað tvisvar sinnum innbyrðis og sex neðstu liðin gera slíkt hið sama.
Athugasemdir
