Arsenal og Bayern Munchen mætast í átta liða úrslitum Meistaradeildar Evrópu en þetta varð ljóst þegar dregið var í hádeginu í gær.
Fyrri leikurinn fer fram á Emirates leikvangnum í London en stuðningsmenn Bayern Munchen fá ekki að mæta á þann leik.
Ástæðan er sú að þeir köstuðu flugeldum inn á völlinn í síðasta leik liðsins gegn Lazio í 16 liða úrslitunum. Þetta gerðist einnig seint á síðasta ári hjá Bayern og þá fékk liðið viðvörun og sekt.
Eftir atvikið gegn Lazio var ákveðið að Þjóðverjarnir fái því ekki að mæta á leikinn gegn Arsenal og því fær enska liðið enn meiri stuðning frá sínu fólki á Emirates.
Athugasemdir
