Manchester United er að þreifa fyrir sér á leikmannamarkaðinum og er Sky að fylgjast með gangi mála.
Man Utd er í viðræðum við West Ham um kaup á Issa Diop sem gæti þó reynst of dýr og þá er félagið einnig að reyna að sækja Aaron Wan-Bissaka til Crystal Palace.
Sky heldur því fram að Crystal Palace hafi hafnað 50 milljón punda tilboði frá Man Utd rétt í þessu. Rauðu djöflarnir hefðu greitt 35 milljónir strax og 15 milljónir í aukagreiðslur.
Talið er að Crystal Palace muni samþykkja tilboð sem hljóðar upp á 50 milljónir punda án aukagreiðslna.
Wan-Bissaka er efnilegur hægri bakvörður sem er að keppa á EM U21 árs landsliða á Ítalíu þessa dagana. Hann átti magnað tímabil hjá Palace og þótti einn af bestu bakvörðum úrvalsdeildarinnar.
Athugasemdir