Thomas Partey, leikmaður Arsenal, ætti að vera klár fyrir stórleik liðsins á morgun gegn Liverpool í ensku úrvalsdeildinni.
Frá þessu greina enskir miðlar en Partey er afar mikilvægur fyrir Arsenal sem heimsækir Liverpool á Anfield.
Partey var ekki með í síðasta leik gegn Watford en spilaði fyrir það í góðum 2-0 sigri á Leicester.
Arsenal hefur verið á góðu róli undanfarnar vikur en liðið tapaði síðast leik þann 28. ágúst gegn Manchester City, 5-0.
Allar líkur eru á að Partey verði hluti af byrjunarliði Arsenal í leiknum sem hefst klukkan 17:30 á íslenskum tíma.
Athugasemdir