Vinstri bakvörðurinn Jordi Alba er búinn að spila tólf leiki með Barcelona á tímabilinu en félagið var talið hafa verið að reyna að losa sig við hann í sumar.
Alba, sem verður 34 ára í mars, var spurður út í framtíðina sína hjá Barca og svaraði einfaldlega að samningurinn hans væri enn í gildi út næsta keppnistímabil.
„Ég er samningsbundinn Barca þar til í júní 2024 og ætla að virða samninginn minn," sagði Alba þegar hann var spurður út í framtíðaráform sín.
„Ég hef unnið mér inn virðingu hjá félaginu. Þegar mér líður eins og ég geti ekki lengur spilað fyrir Barca mun ég yfirgefa félagið af sjálfsdáðum."
Alba á 441 leik að baki fyrir Barcelona og er á sínu ellefta tímabili hjá félaginu.
Athugasemdir